TAQWA KEPADA ALLAH SWT (2) Oleh : Rizmy Blog@gmail.com

TAQWA KEPADA ALLAH SWT

اَلْحَمْدُ لِلَّهِ الَّذِيْ هَدَانَا لِهَذَا وَمَا كُنَّا لِنَهْتَدِيَ لَوْ لاَ أَنْ هَدَانَا اللهُ. أَشْهَدُ أَنَّ لاَ إِلَهَ إِلاَّ الله وَحْدَهُ لاَ شَرِيْكَ لَهُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ عَلَى مُحَمَّدٍ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ؛ فَيَا أَيُّهَا الْمُؤْمِنُوْنَ، اِتَّقُوا اللهَ تَعَالَى حَقَّ تُقَاتِهِقَالَ تَعَالَى: يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. قَالَ تَعَالَى: {وَمَن يَتَّقِ اللهَ يَجْعَل لَّهُ مَخْرَجًا} وَقَالَ: {وَمَن يَتَّقِ اللهَ يُكَفِّرْ عَنْهُ سَيِّئَاتِهِ وَيُعْظِمْ لَهُ أَجْرًا} 

Ma’asyirol   Muslimin   Rokhimakumulloh :

Monggo wonten eng kesempatan engkang sae lan mubarok meniko, kito sami   tingkaten roso  taqwa lan iman kito dumateng  Allah Ta’ala, kelawan sak  estu-estu taqwa  lan sak  estu-estu iman dumateng  Gusti  Allah   Swt, kelawan  ninda’aken sedoyo printah-printahipun  lan  berusaha  kangge nilari dumateng sedoyo awisan-awisanipun Gusti Allah Ta’ala, Wonten  pundike  mawon  lan  eng  ndalem kakahanan  punopoke   mawon  “ITTAQILLAHA KHAITSUMMA KUNTA”

Sebab namung kelawan  keimanan lan  ketaqwaan menikolah, kito  bakal sanggup ngadepi sedoyo  rintangan, hambatan soho tantangan  wonten  eng  zaman  akhir sak meniko, ugi  namung   kelawan  keimanan  lan  ketaqwaan  meniko, kito mbenjang  bakal  pikantuk  kabejan  engkang  ageng  sangkeng Allah Ta’ala  arupi, pikantuk  syafa’at keslametan lan kabejan eng alam akhiratipun.    

Dawuhipun Allah Ta’ala :   Wallohu 'alamu bi muroddihi.....“Seng Sopo Wonge kang gelem Taqwa Marang Gusti Allah Ta’ala, Mongko Temtu Allah Ta’ala iku bakal pareng  jalan keluar (sangkeng sekabehane kerupekane)  kanggone dewe’e, lan bakal dipun  paringi rizqi  (deneng gusti Allah) sangkeng arah dalan  kang mboten dipun songko-songko” (QS : At-Thalaq 2-3)

Ma’asyirol   Muslimin   Rokhimakumulloh :

Mongko podo mangertiyo bileh saktemene  Taqwa iku mboten saget sampurno  kejawi  namung  kelawan  ngosongaken   manah   sangkeng  sedoyo   perkawis engkang  remeh lan ino,  sarto  kelawan   maes-maesi  jiwo  kelawan  sedoyo  macemipun  sifat-sifat  keutamaan,  Kados  dawuhipun  Kanjeng  Nabi  Saw :

“Ora Bakal Tutuk Sampurno opo Ketaqwaane Kawulo, Sehinggo  Dewe’e iku gelem  ninggalake  Perkoro-perkoro  kang ora opo-opo (tegese :Mubah Hukume) tetapi (perkoro-perkoro mau) mengko  eng  mburine  iku biso nyebabake  terjadine  opo-opo” (HR.Ibnu Majjah)

Taqwa  iku  sejatine dados dalanipu  tiyang-tiyang  engkang   tansah  kepengen  mekoleh  pituduh  sangkeng  gusti  kang moho  wigati  (Allah Swt), Sehinggo sinten  tiyangipun  engkang purun  lumampah dumateng dalanipun menuju ketaqwaan, mongko  yekti  temen  tiyang  kolo wau  iku  bakal  pikantuk  kabejan Fiddaroin.  

  

Sebab  buahipun  sangkeng  ketaqwaan wonten kaleh, inggih  meniko, bakal mekoleh As-Sa’adah Fiddaroeni (Kebejan wonten eng kehidupan donyo lan kehidupan eng akhirat), bakal pikantuk kabejan lan bakal mekoleh kamulyan wonten eng kehidupan dunyo lan akhiratipun : 

1. Anapun eng ndunyonipun kiyamba’ipun meniko inggil pangkatipun, sae  sebatanipun lan mekoleh  Mawaddah (welas asih) sakeng poro menungso, kerono  saktemene tiyang engkang  taqwa meniko tansah  dipun mulya’aken deneng  tiyang-tiyang alit, lan dipun  hormati deneng tiyang-tiyang ageng, sedoyo meniko  dipun sebabaken keranten kesaenanipun amaliyahipun lan kebagusan  akhlaqipun  si-Muttaqien.
2. Anapun  eng akhiratipun, kiyamba’ipun badhe selamet sangkeng sikso geni  neroko, lan pikantuk keluhuran saget  mlebet  dumateng suwarga nipun  Gusti  Allah  Ta’ala.

Lan cukuplah (opo) kemulyaanipun tiyang-tiyang engkang purun taqwa dumateng Gusti Allah Ta’ala kelawan sak  estu-estu ninda’aken Taqwa, (KHAQQO TAQWA) sebab  saktemenipun  Gusti  Allah Ta’ala Sampun dawuhaken :   Wallohu 'alamu bi muroddihi..“Saktemene Gusti Allah iku tansah nglindungi  lan  parek,  dumateng  tiyang-tiyang engkang purun Taqwa  lan  ninda’aken  amal  sholeh”.(QS : An-Nahl : 128).

Anapun  sebab-sebaipun  kito meniko  saget  menuju  ketaqwaan dumateng Gusti Allah Ta’ala, meniko  katah   sanget, ten Kitab Taisirul Kholaq dipun sebataken  eng antawisipun inggih  meniko :

1. Kelawan  Nyawang  Marang  Awak’e  dewe (Makhasabatun  An-Nafsy), yen sejatine  kito  meniko  namung  dados salah  setunggalipun sangkeng pinten-pinten   makhluqipun Gusti Allah Swt, engkang apes  utawi  lemah,  lan sejatine Gusti Allah Ta’ala meniko Dzat engkang Moho Qiyat  lan Moho Prakoso, mongko temtu  mboten prayugi  menawi  makhluq  engkang  lemah  utawi apes meniko   badhe  tumindak maksiat  utawi   mbalelo, dumateng Dzat engkang  Qiyat lan Prakoso, Sebab  sejatine  nasib  kiyamba’ipun  wonten eng  kekuasaanipun Dzat  kang Moho Qiyat lan  Moho Prakoso kolo wau.
2. Tansah  Ngenget-ngenget (eling)  Dumateng  Sedoyo Kesaenan-kesaenan ipun Gusti Allah Ta’ala, Marang  Kito semi, eng ndalem  sekabehane  tingkah, mongko  temtu  mboten  prayugi  menawi  kito meniko  sampun  mangertosi   sedoyo  kesaenan-kesaenanipun  Allah Ta’ala dumateng  kito  arupi  pepareng  nikmat-nikmat,  selajengipun  kito meniko nyacat lan mboten  syukur  dumateng  nikmat-nikmat  wau.
3. Tansah  ngengeti  dumateng  Datengipun  Pati  (Titi  Wancinipun Ajal kito), keranten   sejatosipun  tiyang   engkang  purun mangertosi bileh saktemenipun pati  (ajal meniko) meniko termasuk  perkawis  kang haq lan  mesti  bakal  tekanipun, (sedoyo makhluq engkang  gesang eng alam dunyo meniko mesti bakal katekanan pati  utawi ajalipun)   lan eng mongko mboten wonten pilihan ono eng sak lajengipun kematian  menuso  kejawi  namung  badhe   mlebet eng  suwago  punopo badhe mlebet  dateng  neroko,  temtu  hal meniko  dados pemacu  kito kangge ngatah-ngatahaken tumindak amal kesaenan  (KHASBAL ISTITO’ATI) kelawan sak kadar mampunipun, lan temtunipun mboten  prayugi  menawi  kito meniko mboten  nyiapaken  bekal  kangge  gesang  kito  eng  akhiratipun.     

Ma’asyirol   Muslimin   Rokhimakumulloh :

Eng wusono mugi-mugi kito saget mendhet manfaat soho I’tibar (Pelajaran) engkang sae, sangkeng  uraian meniko, kangge  penutup  kawulo nukilaken setunggalipun Riwayat, mugi-mugi  saget  kangge  nasehat tumerapipun  kito  sami :  Dawuhipun  Baginda  Nabi  Muhammad  Saw : “Podo Taqwaho Siro Kabeh Marang Gusti Allah Ta’ala, lan podo Ninda’no Sliramu,  Marang  Kewajiban  Sholat  5  (Limang ) Wektu-mu, lan  podo  ninda’no kewajiban  poso  iro,  ono  eng  wulan  iro  (tegese : Wulan Ramadhan), lan podo  mbayaro  (tegese podo ngeto’no)  zakat  iro, eng  sekabehane  banda-dunyo  iro (kang wis kewajiban dizakati), lan podo to’ato sliramu marang pemimpin-pemimpin iro, (Yen sliramu  iku  mengkono), Mongko  temen sliramu iku bakal mlebu sopo  iro kabeh,  mlebu   marang suwargane pengeran-mu”.  (HR Tirmidzi)

Ma’asyirol   Muslimin   Rokhimakumulloh :

Mekaten  engkang saget dipun aturaken,  mugi-mugi saget manfaati  dumateng kito sami, sehinggo kito saget  dodos  tiyang-tiyang  Mukmin engkang Ikhsan soho Muttaqien , sehinggo  kito sak mangke saget pikantuk akhir engkang sae KHUSNUL KHOOTIMAH,  Amien Yaa Robbal ‘Alamien.