Tafakkur dan Fastabiqul Khoirot

TAFAKKUR dan FASTABIQUL KHOIROT  (didalam bulan Ramadhan) 

Maasyirol   Muslimin   Rokhimakumulloh :

Monggo wonten eng kesempatan engkang sae lan mubarok meniko, kito sami   tingkaten roso  taqwa lan iman kito dumateng allah ta’ala, kelawan sak  estu-estu taqwa  lan sak  estu-estu iman dumateng gusti allah swt, kelawan  ninda’aken sedoyo printah-printahipun  lan  berusaha  kangge nilari dumateng sedoyo awisan-awisanipun gusti allah ta’ala, wonten pundike mawon lan  eng ndalem kakahanan punopoke  mawon.

Ma’asyirol   Muslim ien  Rokhimakumulloh :

Sakmangke  Kito  sampun  mlebet   eng  sedoso  dinten  kang  kaping  kaleh   sangkeng,  Wulan  Romadhon  (utawi:  mlebet  eng   tanggal ……............. Sasi  Romadhan  tahun 14……….. H utawi Tahun 20...........M), Pramilo Sampun  sak  mestinipun  menawi  kito, bersyukur dumateng  Allah Ta’ala engkang sampun  pareng  kesempatan  dumteng  kito,  Sehinggo  kito sami  saget  kepanggeh  maleh  dumateng  Wulan  Suci Romadhon, wonten  eng  tahun  meniko.

Perlu  kito  perhatosaken, bileh  ibadah  syiyam  Ramadhan  meniko, sanes   setunggalipun  Ritual  Ibadah ( Utawi  setunggalipun Seremoni)  Fisik  engkang  kito lampahi  rutin,  wonten  eng  saben-saben  tahunanipun,   Memang  mungkin  jasad   kito   meniko,  sampun   nahan  luwe,  nahan  ngela’,  soho   nahan  dateng  syahwat  (utawi  Howo Nafsu)   kito.

 Anangeng  Pitakenanipun:

 ”Punopo  thoh  kito  meniko  : 

 

Sampun  Nyiamaken  dumateng  Pengrungu  kito?,

Sampun  Nyiamaken  dumateng  Peningal   kito?

lan  Sampun  Nyiamaken  dumateng  Pematur  ( utawi  lisan) kito?

lan  Punopo  thoh  kito  meniko  ugi   sampun  sak  estu-estu Lillahi  Ta’ala? Anggenipun  kito  ninda’aken  sedoyo  rangkaian  ibadah  eng  saklebet-ipun  Ramadhan  meniko?”.    

Dawuhipun  Allah :

  

”Saktemene  Pengrungu, lan  Peninggal  lan  Niatipun  ati  meniko, sedayanipun iku  mbenjang, bakal  dipun  suwuni  pertanggungjawaban (deneng Allah Ta’ala)”

اِنَّ اﷲَ عَزَّ وَجَلَّ لاَيَقْبَلُ مِنَ العَمَلِ اِلاَّ مَا كَانَ لَهُ خَالِصًا وَبْتَغٰى بِهِ وَجْهَهُ

“Saktemene  Gusti  Allah, iku mboten  badhe  nompo, dateng  sedayo amal-ibadah, kejawi  (amal-ibadah)  kang  nyoto-nyoto  murni,  kerono  mligi  namung  kanggo Golek  Ridhanipun  Allah  Ta’ala.”

Ma’asyirol   Muslim ien  Rokhimakumulloh :

Ceka’k  Aosipun,  Ampun ngantos  Romadhon  demi  Romadhon  tansah  berjalan  lan  berlalu  wonten  eng   saklebetipun  gesang  kito,  ananging Romadhon  demi  Romadhon  engkang  kito  lampahi  meniko,  Namung  dados  setunggalipun  Rutinitas  Tahunanke  Mawon  (Utawi Seremoni  Ibadah  Tahunan).  

Kito  Kedah Tafakkur, selajeng  taken  dateng  awak  pribadi  kito  masing-masing, kelawan pitakenan  mekaten :   Prestasi  punopo  engkang  badhe  kito  ukir  eng ndalem  saklebetipun Ramadhan tahun meniko?  Prestasi  Barrun, Taqiyyun, Karimun (Prestasi engkang Sae, Taqwa, lan  Minulyo?)  Punopothoh   Prestasi  Fajirun, Syaqiyun, Dzalilun (Prestasi  ahli  Maksiat,  Cilako, lan Ina...?) Monggo   Kito  sami  merhatosaken  Nasehatipun   Imam Al-Hasan Al-Bashri :

أَيُّهَا النَّاُس إِنَّمَا أَنْتَ أَيَّامٌ، كُلَّمَا ذَهَبَ يَوْمٌ ذَهَبَ بَعْضُكَ.

“Hey Menungso  Kabeh...!!!,  Podo  Mangertiyo, Saktemene  Sliramu  iku Lir Kadiyo  Kumpulan  Dino-dino,  Sekabehane  iki,  ono  eng  Saben-saben  dinone  iku, Mongko  Bakal  berlalu  lan  Ilang  (opo) Salah  Sijine   Sangkeng Sliramu”

Ma’asyirol   Muslim ien  Rokhimakumulloh :

Milo  mekaten, monggo  wonten  eng  sepaleh  dinten   selami  wulan  Ramadhan  meniko,  kito  gina’aken  kelawn  nindak’aken  perkawis-perkawis  engkang   bermanfaat   tumrapipun  awak  kito, manfaat  dunyawiyah  langkung-langkung  engkang  bermanfaat  kangge  urusan  akhirat (Ukhrowiyyah),  yoiku  kelawan  tansah  berlomba-lomba  kangge  tumindak  kesaenan  soho  amal  ibadah FASTABIQUL  KHOIROT  FI  RAMADHAN,  Kadosto engakang sampun  kasebat eng setunggalipun Riwayat dipun ceriak'aken bileh  : “Ono  Sopo  Kanjeng   Nabi, (ono) iku  tansah   ninda’aken  I’TIKAF, (Sopo  Kanjeng Nabi Muhammad Saw), ono  eng  sakjerone  sepuluh  dino  kang  akhir  sakeng Wulan  Ramadhon, ngantos  Sedanipun  (Akhir   Khayatipun)  Beliau””.(HR.Imam  Muslim).

”Poro  Shahabat  sami  taken  dateng  Kanjeng  Nabi : Yaa  Rasulalloh, Punopo Shodaqoh  engkang  Paleng  Sae?, Jawabipun  Nabi : Yoiku Shodaqoh  ono  eng  Sakjerone  Wulan  Romadhon” (HR.Imam  Tirmidzi).

لَيْسَ لأَحَدٍ عَلَى أَحَدٍ فَضْلٌ إِلاَّ بِالدِّيْنِ أَوْ عَمَلٍ صَالِحٍ. (رواه البيهقي).

“Mboten Wonten Setunggal Tiyang-pun engkang gadahi Kamulyaan (Utawi Keutamaan)  engatase Tiyang Sanes, Kejawi Namung Kernten Margo Amal  Kesaenanipun (HR.Imam Baihaqi)”

Ma’asyirol   Muslim ien  Rokhimakumulloh :

Ramadhan  Katah  Barokahipun, Ganjaran,  Keistimewaan,  ugi   Mbekto  Maghfiroh Sakeng Robbul ‘Alamin, Milo  Ampun  ngantos  kito  dados  tiyang  engkang  tuno, amargo   kito  sampun   menyia’k–nyia’aken   dateng  saben-saben   wekdal, eng  saklebetipun  Ramadhan  meniko, kelawan  Perkawis-perkawis   engkang  sia-sia  lan  mboten  bermanfaat.    

Ma’asyirol   Muslim ien  Rokhimakumulloh :

Kangge  Penutup   Uraian meniko kulo nukilaken setunggalipun riwayat bileh Baginda Rasululloh Muhammad Saw  Sampun  Dawuhaken  :

حُفَّتِ الْجَنَّةُ بِالْمَكَارِهِ وَحُفَّتِ النَّارُ بِالشَّهَوَاتِ.

“(Dalan) Tumuju Jannah (Suwargo) iku dipun  penuhi (kelilingi)  kelawan  perkoro-perkoro, engkang  mboten  dipun  demeni  deneng  menungso (Kosok  wangsulipun) dalan tumuju marang   Neraka iku  dipun kelilingi  deneng  perkoro-perkoro engkang  dipun senengi (lan dipun cenderungi) deneng syahwat”

Ma’asyirol   Muslim ien  Rokhimakumulloh :

Mekaten  engkang saget dipun aturaken,  mugi-mugi saget manfaati  dumateng kito sami, sehinggo kito saget  dodos  tiyang-tiyang  Mukmin engkang Muttaqien lan saget kalebet  golonganipun tiyang-tiyang MINAL ‘AIDIEN  WAL  FAIZIN,…… Bersih  Lir  Kadiyo  Jabang  Bayi  engkang   nembe dipun lahiraken sangkeng   Rahimipun  ibu  kito, sehinggo  kito sak mangke saget pikantuk  akhir  engkang  sae  KHUSNUL KHOOTIMAH, Amien Yaa Robbal ‘Alamien.

Matur Nuwun (Taqobbalalloh Minna wa Minkum, Nyuwun Seh Agunge Samudro Pangaksami, Nyuwun Maaf engkang Katah)