Mukhasabah Tahun Baru

Tahun  Baru  Hijriyah   Momentum Kangge Mukhasabah

Soho Peningkatan  Kualitas Iman &  Amal

اَلْحَمْدُ لِلَّهِ رَبِّ الْعَالَمِيْنَ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ عَبْدِكَ وَرَسُوْلِكَ، اَلنَّبِيِّ اْلأُمِّيِّ وَعَلَى آلِهِ وَصَحْبِهِ أَجْمَعِيْنَ. أَمَّا بَعْدُ؛ فَيَا أَيُّهَا الْمُسْلِمُوْنَ، اِتَّقُوا اللهَ مَا اسْتَطَعْتُمْ، وَاتَّقُوا اللهَ لَعَلَّكُمْ تُفْلِحُوْنَ. قَالَ اللهُ تَعَالَى فِي الْقُرْآنِ الْكَرِيْمِ،: { يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ

Ma’asyirol   Muslimin   Rokhimakumulloh :

Monggo wonten eng kesempatan engkang sae lan mubarok meniko, kito sami   tingkaten roso  taqwa lan iman kito dumateng  Allah Ta’ala, kelawan sak  estu-estu taqwa  lan sak  estu-estu iman dumateng  Gusti  Allah   Swt, kelawan  ninda’aken sedoyo printah-printahipun  lan  berusaha  kangge nilari dumateng sedoyo awisan-awisanipun Gusti Allah Ta’ala, Wonten  pundike  mawon  lan  eng  ndalem kakahanan  punopoke   mawon  “ITTAQILLAHA KHAITSUMMA KUNTA”

Sebab namung kelawan  keimanan lan  ketaqwaan menikolah, kito  bakal sanggup ngadepi sedoyo  rintangan, hambatan soho tantangan  wonten  eng  zaman  akhir sak meniko, ugi  namung   kelawan  keimanan  lan  ketaqwaan  meniko, kito mbenjang  bakal  pikantuk  kabejan  engkang  ageng  sangkeng Allah Ta’ala  arupi, pikantuk  syafa’at keslametan lan kabejan eng alam akhiratipun.

Ma’asyirol   Muslimin   Rokhimakumulloh :

Al-khamdulillah was sukrulillah, tansah kito aturaken dateng ngarso dalem Allah Ta’ala engkang sampun pareng pinten-pinten nikmat dateng sedoyo kawulanipun, bil khusus lan tansah wajib kito sukuri soho kedah kito jagi lan kito ugemi ngantos akhir khayat kito kepanggeh dateng ngarso dalem Allah Ta’ala, Yoiku Nikmatul Islam Wa Nikmatul Iman.

وَلاَ تَمُوْتُنَّ إِلاَّ وَأَنتُمْ مُّسْلِمُوْنَ   

Ma'asyirol  Muslimin  Rokhimakumulloh : 

Dinten jum’at meniko, kito sak mangke sampun mlebet eng wulan Muharrom tahun baru Islam  yoiku tahun 143.....H....Sejalan kelawan duginipun tahun baru islam meniko, berarti yeswo kito ugi nderek dipun tambah, mugi-mugi Allah Ta’ala pareng dateng kito kesempatan yeswo engkang panjang soho manfaat, kelawan tansah pikantuk bimbingan, hidayah, inayah soho pitulunganipun sakeng  ngarso dalem Allah Ta’ala, sehinggo enten eng saben-saben langkah, tingkah, soho ibadah kito meniko dipun ridlo’i  deneng Allah, lan kito saget kalebet dados golonganipun tiyang-tiyang engkang pikantuk keberuntungan fid dieni, wad dunya ilal akhiroh...amin.

Ma’asyirol   Muslimin   Rokhimakumulloh :

Peistiwa tahun baru Islam engkang dipun tandai lan dipun wiwiti sangkeng tindak lampahipun baginda Rasulillah Saw, nindak’aken Hijrah sangkeng tanah makkah tumuju  negari madinah meniko, sanes setunggalipun ritual utawi lampahan seremonike mawon.  Sebab wonten eng sak lebetite peristiwa hijrah meniko, wonten pelajaran utawi i’tibar  soho  khikmah engkang  ageng  lan istimewa, engkang   saget dipunpendet  soho dipun implementasi’aken wonten eng saklebetipun kehidupan kito sehari-hari.

Sebab peristiwa hijrah meniko setunggalipun peristiwa engkang monumental, engkang sampun terbukti  saget mendobrak :

Sangkeng tradisi  lan budaya Jahiliyah tumuju tradisi lan budaya Islamiyyah wa Ilmiyyah,  sangkeng  masyarakat engkang  biadab  dados  masyarakat engkang  beradab, sangkeng bangsa  engkang  amoral  saget dados  bangsa  engkang  berakhlaqul karimah.

Hijrah  engkang sampun dipun tindak’aken deneng Rasulullah Saw lan poro sahabatipun, selain gadahi arti pindah sangkeng setunggalipun papan panggenan tumuju papan panggenan sanesipun, ugi gadahi makno filosofi  engkang langkung luas lan mendalam, Inggih  meniko merubah sikap lan tingkah laku, sangkeng kebiasaan engkang mboten sae  lan mboten  sesuai syari’at islam, tumuju sikap  lan  tingkah laku engkang  sae  lan Islami.

Dawuhipun Nabi Muhammad  Saw : ”Lan kang aran Muhajirin (Tiyang-tiyang engkang sami ninda’aken Hijrah) Yoiku : Tiyang engkang purun nilari dateng sedoyo perkawis engkang sampun dipun larang deneng Allah Ta’ala, Kagem kiyamba’ipun”  (Hadist)

Milo mekaten peristiwa hijrah meniko saget dados setunggalipun tolok ukur  lan isyarat engkang  jelas tumrapipun kito  tiyang  Muslim, bileh  tiyang engkang  sampun nyata’aken  beriman dateng Allah Ta’ala,  meniko, kedah  sanggup  merubah sikap lan tingkah lakunipun  secara  total  engkang  mboten sesuai  kaliyan   syari’at  islam, dipun rubah tumuju sikap  lan tingkah  laku  engkang langkung sae  lan  islami.  Sebab  keimaman  mboten namung sebatas  ucapan wonteng eng lisan-ke mawon, ananging  ugi   butuh dipun bukti’aken kelawan amaliyah, sebab iman mboten saget   namung  sebatas  setunggalipun angen-angenke-mawon.... ”Iman yoiku percoyo lan yakin ono eng sakjerone ati, lan dipun ucapaken kelawan lisan, selajeng dipun bukti’aken kelawan tindakan (amaliyah)”   (HR.Ibnu Majjah).

eng riwayat sanesipun dipun sebataken : ”Iman  iku  dudu  ono eng  angen-angen, anangeng iman iku (dadi) suwijine kepercayaan utawi keyakinan kang ono eng sakjerone ati, lan dibukte’ake kelawan perbuatan (amaliyah) ”. (HR Ad-dailamy).

Ma’asyirol   Muslimin   Rokhimakumulloh :

Baginda Nabi Muhammad  Saw,  eng  setunggalipun riwayat sampun pareng dawuh, ngengingi uraian  sangkang pembuktian keiamanan kelawan amal perbuatan engkang nyoto :

Dawuhipun  Beliau : ”Nalikane ngucap sapa kawulo, kulo wedos dateng neraka, anangeng kiyamba’ipun  mboten mandeki (mboten nglereni) sangko pendamelan-pendamelan dosanipun, mongko dewe’e iku temen sampun goroh ono eng sandinge Allah, lan nalikane ngucap sapa kawula : kulo kepengen lan rindu dateng suwargo, anangeng  kiyamba’ipun  mboten  tumindak sesuatupun kanggone  mekoleh  lan tumuju  suwarganipun  Allah, mongko saktemene dewe’e iku temen sampun goroh ono eng sandinge Allah ” (Hadist).

Ma’asyirol   Muslimin   Rokhimakumulloh :

Tercatat  katah peistiwa  ageng  eng   sampun terjadi eng  saklebetipun Wulan Muharrom Meniko, eng antawisipun :

Sangkeng  paparan  peristiwa hijrahipun nabi lan sejarah peristiwa-peristiwa nabi lan ummat-ummat sak derenge  kito, sampun  sak mestinipun menawi kito sebagai ummat  islam, mawas diri lan sejanak merengung, kangge Instrokpeksi (Mukhasabah),  sehinggo kito saget mendhet I’tibar (Pelajaran) engkang berharga, sak perlu kangge ningkataken raos keimanan lan ketaqwaan kito, dateng Allah, selajeng saget  nindak’aken koreksi diri lan berusaha kangge memperbaiki  soho ningkataken kualitas amaliyah kito, wonteng eng tahun meniko.

Monggo kito pendet i’tibar (Pelajaran) sangkeng Peristiwa-peristiwa bersejarah engkang sampun terjadi sangkeng umat-umat sak derengipun kito, sehinggo ampun ngantos kito meniko dipun dadosaken I’tibar (Pelajaran) kangge generasi sak sampunipun Kito :

”Ambillah  Pelajaran Penting dari  Peristiwa-peristiwa Para  Pendahulu-mu, Sehingga Kamu Jangan Sampai Menjadi (atau Dijadikan) Sebagai Bahan Pelajaran Bagi Generasi Sesudah Kamu”

Ma’asyirol   Muslimin   Rokhimakumulloh :

Eng wusono mugi-mugi kito saget mendhet manfaat soho I’tibar (Pelajaran) engkang sae, sangkeng  uraian singkat meniko, Mugi-mugi Allah Ta’ala pareng dateng kito kesempatan yeswo engkang panjang soho manfaat, kelawan tansah pikantuk bimbingan, hidayah, inayah soho pitulunganipun sakeng  ngarso dalem Allah Ta’ala, sehinggo enten eng saben-saben langkah, tingkah, soho ibadah kito meniko dipun ridlo’i  deneng Allah, lan kito saget kalebet golonganipun tiyang-tiyang engkang pikantuk keberuntungan fid dieni, wad dunya ilal akhiroh...,  Ugi  saget  pikantuk  akhir engkang sae Khusnul  Khootimah,  amin.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.