Kemulyaan Bulan Sya'ban (Rizmy Blog@gmail.com)

الْحَمْدُ لِلَّهِ الَّذِيْ أَرْسَلَ رَسُوْلَهُ بِالْهُدَى وَدِيْنِ الْحَقِّ لِيُظْهِرَهُ عَلَى الدِّيْنِ كُلِّهِ وَلَوْ كَرِهَ الْكَافِرُوْنَ. أَشْهَدُ أَنْ لاَ إِلَـهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ اَللَّهُمَّ صَلِّ عَلَى مُحَمَّدٍ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ؛. جَمَاعَةَ الْجُمُعَةِ، أَرْشَدَكُمُ اللهُ فَيَا أَيُّهَا الْمُؤْمِنُوْنَ،. أُوْصِيْكُمْ وَنَفْسِيْ بِتَقْوَى اللهُ، اِتَّقُوا اللهَ تَعَالَى حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ وَمَن يَتَّقِ اللهَ يَجْعَل لَّهُ مِنْ أَمْرِهِ يُسْرًا وَيَرْزُقُهُ مِنْ حَيْثُ لاَ يَحْتَسِبُ، وَمَن يَتَّقِ اللهَ يُعْظِمْ لَهُ أَجْرً وَاتَّقُوا اللهَ لَعَلَّكُمْ تُفْلِحُوْن 

Ma’asyirol   Muslimin  Rokhimakumulloh :

Puji Syukur Al-Khamdulillah Was Syukrulillah, Tansah Kito Aturaken Dumeteng Ngarso Dalem Allah Ta’ala, Engkang Sampun Pareng Pinten-pinten Nikmat Dumataeng Kito Sami, Khususipun Nikmat Iman lan Nikmat Islam , engkang Kedah lan Tansah Kito Jagi Soho Kedah  Tansah Kito Ugemi Ngantos Akhir Ajal Kito, Kepanggeh Dateng Ngarso Dalem Allah Ta’ala,Kados Dawuhipun Allah :

وَلاَ تَمُوْتُنَّ إِلاَّ وَأَنتُمْ مُّسْلِمُوْنَ  

“Wallohu ‘Alamu Bi Muroddihi:  Lan ojo Pisan-pisan Mati Sliramu Kabeh, Angeng Kejobo Yen Tho Sliramu iku Tansah Njogo lan Cecekelan Mareng Agomo Islam”.

Salah Setunggalipun Perwujudan, Sangkeng Raos Syukur Kito Dumateng Gusti Allah Ta’ala  Yoiku Yen Tho Kito Tansah Ningkataken Keimanan lan Roso Taqwa Kito Duamteng Gusti Allah Ta’ala, Kelawan Sak estu-estu Iman lan Sak Estu-estu Taqwa.

Ma’asyirol   Muslimin  Rokhimakumulloh :

Sak mangke (Insya Allah) pinten dinten maleh kito sami bade mlebet ten wulan Sya’ban, Wulan Sya’ban meniko, termasuk salah setunggalipun wulan engkang mulyo lan  utami, Kados  dawuhipun Rosululloh Saw  :

Lan Kautama’anane  wulan  sya’ban  engatase  wulan-wulan liyane, iku  koyo kautama’anane ingsun (Rosululloh),dibandingaken sekabehanane poro Nabi”  (Hadist).

Ma’asyirol   Muslimin  Rokhimakumulloh :

Rasululloh  Saw  saben-saben  dumugi  eng  wulan  sya’ban  meniko, tansah mempeng sanget lan kiyat anggenipun ngudi tambahipun amal ibadah, Khususipun anggenipun ngelampahi ibadah poso (siam sunnah) wonten ten siangipun, lan ibadah sholat sunnah wonten ten ndalunipun. Ngantos suwijine dinten shohabat usamah bin zaed matur : “Panjenengan saben-saben mlebet wulan sya’ban meniko anggenipun  Siyam sunnah eng siangipun  lan  Sholat sunnah eng ndalunipun iku mempeng sanget, mboten kados ten wulan-wulan sanesipun , Niku kados pundi Ya Rosululloh ?” .Jawabipun Kanjeng Nabi  Saw : Na’am (“iyo)  !, Jalaran  wulan sya’ban iku wulan kang mulyo, lan wulan sya’ban iku umume manungso podo nglalekake (ora kilingan) yen saktemene  ono eng wulan sya’ban meniko kabeh amale poro manungso podo diunggahake ono eng langet (ateges sedoyo amalipun manungso iku : dipun aturaken  wonten ten ngarsanipun Allah Ta’ala  utawi dipun laporaken dumateng Allah Ta’ala ).  Mulo songko iku ingsung (Rosululloh Saw) remen banget  yen tho amal-amal  ingsun  iku  dipun Pirsani  Deneng Allah Ta’ala, Nalikanipun Ingsun lagi poso lan ngakeh-ngakehaken  Sholat  Sunnah.    (Hadist).    

Ma’asyirol Muslimien Rokhimakumulloh :

Eng Riwayat Sanesipun Rosululloh Saw Sampun dawuhaken : Artosipun:“Wulan Sya’ban iku  biso dadi Penebus Awak Sakeng  Sikso Neroko, Mongko Seng Sopo  Wonge  Kang  kepengen ketemu marang ingsun (Rasululloh), Mongko becik ngelakoni poso ono eng wulan sya’ban, senajan namung poso 3 dino” (Al-Hadist)

Ma’asyirol   Muslimien  Rokhimakumulloh :

Sangkeng keterangan meniko, Mongko kito sami mugiyo saget  midanget,  Sak lanjengipun manut  dumateng sedoyo  tindak  lampahipun Junjungan kito Rosululloh Muhammad Saw,  anggenipun  nderek Mangayubagyo dumateng   datengipun  wulan sya’ban meniko,  Kelawan  ngatah-ngatahaken  amal ibadah sunnah kados engkang sampun dipun  Lampahi dengang Rosululloh Saw. Sesuai Kaliyan Kemampuan Soho Sesuai Kaliyan  Peran lan Tugas Kito Masing-masing.  

Ma’asyirol Muslimien Rokhimakumulloh :

Ibaratipun wonten eng  Wulan Rojab  meniko Kito Sami Ndadosaken Sebagai  Wulan Kangge  kito  Ngawiti Tumindak (Utawi Miwiti Tandur) Amal-amal Kesaenan, Sak Mangke Wonten eng Wulan Sya’ban  meniko, Kito  dadosaken Sebagai Wulan kanggene kito sami  Mupuk utawi Nyuburaken Tanduran Kesaenan engkang  sampun  kito  Tanem wonten ten Wulan Rojabipun, Sehinggo Sak Mangke eng Wulan Romadhon engkang dados wulan kanggene kito sami panen utawi mendet manfaat engkang ageng lan katah sanget sakeng sedoyo jerih payahipun engkang sampun kito sami lampahi, engkang akhiripun kito saget dados tiyang engkang Fitroh utawi bersih kados to bayi engkang nembe dipun lahiraken wonten ten alam dunyo.

Kangge Penutup Kulo nkilaken setunggalipun Hadist, mugi-mugi saget dados nasehat kanggene kito sami

  

"Kerjakno Amal-amal Kesaenan opo wae kang sekirane sliramu iku biso lan mampu kanggo ninda’ake marang amalan mau, Demi Allah Saktemene Gusti Allah iku  ora bakal bosen-bosen anggone nerimo lan aweh ganjaran marang sekabehane tumindak amalmu, sehinggo malah sliramu dewe iku kang rumongso bosen, anggon-mu ninda’ake amalan kesaenan mau” (Tirmidzi)

Ma’asyirol Muslimien Rokhimakumulloh :

Mekaten uraian singkat engkang saget Kawulo Aturaken, Mugi-mugi Kito Saget Mekoleh Manfaat lan Saget Mendhet Manfaatipun Sangkeng Uraian singkat Meniko, Eng Wusono Mugi-mugi Kito Tansah Pinaringan Hidayah, Taufiq Soho inayahipun Sangkeng Gusti Allah ta’ala, Sehinggo Kito Saget Tansah Netepi Iman lan Islam, Sarto Pikanthuk Akhir Engkang Sae, Khusnul Khotimah Allohumma, Amin Yaa Robbal ‘Alamien.