DAKWAH ISLAMIYAH & AMAR BIL MA’RUF NAHI ANIL MUNKAR

Ma’asyirol   Muslimin   Rokhimakumulloh :

Wonten eng kesempatan engkang sae lan eng Majlis Ta’lim.....................engkang Mubarok meniko, Kawulo badhe ngajak dumateng awak kawulo kiyambak khususipun lan dumateng sedoyo Jama’ah Rokhimakumulloh, Monggolah, kito sami berusaha kangge ningkataken roso iman  lan taqwa kito dumateng  Allah SWT, Kelawan sak  estu-estu Iman  lan sak estu-estu Taqwa dateng  Gusti  Allah   Swt, Yoiku: ”Kelawan berusaha kangge ninda’aken sedoyo printah-printahipun  lan tansah berusaha  kangge nilari sedoyo awisan-awisanipun Allah Ta’ala, Wonten  pundike  mawon lan eng  ndalem  kakahanan  punopoke  mawon”.(ITTAQILLAHA  KHAETSUMMA  KUNTA).

Ma’asyirol   Muslimin   Rokhimakumulloh :

Allah Ta’ala sampun dawuhaken eng Al-Qur’an Al-Kariem Surat Ali Imron : 104 :

”Wallohu ’Alamu Bie Muroddihi,lan  becik ono salah siji eng  antarane  sliramu (iku) ummat (golongan) kang tansah gelem  ngajak-ngajak marang  tumindak kebagusan (tegese: Ninda’a ken Dakwah Islamiyah) lan tansah  gelem  printahake kebagusan kelawan ma’ruf (bijaksana) lan tansah  gelem  nyegah  marang tumindak kemungkaran,kang mengkunu mau ikulah) wong-wong kang  bakal mekoleh kabejan”. (QS:Ali imron 104)

Ma’asyirol   Muslimin   Rokhimakumulloh :

Dawuh perintahipun Allah Ta’ala meniko, Nedahaken bileh kaleh perkawis meniko, Tegesipun:

1).Perkawis Dakwah Islamiyah  lan

2).Perkawis Amar Bil Ma’ruf Nahi anil Munkar, Meniko termasuk dados salah setunggalipun perkawis engkang penting,Sebab keleh  perkawis meniko  dados Pokok’ ipun Agami (Usul Ad-Dien).

Milo mekaten sehinggo prayuginipun  menawi sebagian sakeng kito (Ummat Islam), Wonten engkang purun bertugas dados golongan engkang tugasipun sebagai juru dakwah (Da’i, Mubaligh utawi Penyuluh Agama Islam, engkang tansah ngajak-ngajak dumateng tumindak kesaenan(Ma’ruf) lan ugi tansah purun nyegah dateng sedoyo tumindak kemaksiatan lan  kemungkaran engkang terjadi eng lingkungaipun masing-masing.

Ananing perlu kito perhatoskan, kelawan sak estu-estu bileh Dakwah Islamiyah lan Tugas Amar (Perintahaken Dumateng tumindak Kesaenan) meniko kedah  lab  Tansah  Biel Ma’ruf, Yoiku Kelawan Metode (utawi kelawan toto coro) engkang sae ugi santun. Prihal perkawis Metode Dakwah Islamiyah lan Amar Ma’ruf Nahi Munkar meniko, Allah Ta’ala sampun Dawuhaken:

”Wallohu ’Alamu Bie Muroddihi,.......Ngajak-o (siro) (Tegese:Podo Dakwah-o Sliramu),Marang poro menungso, tumuju (Agamane) Pengeran iro, Kelawan Metode (Utawi toto coro), engkang  Wicaksono  lan kelawan pitutur (utawi kelawan nasehat pengajaran engkang sae)” (QS:An-Nahl :125)

Ma’asyirol   Muslimin   Rokhimakumulloh :

eng dalem Al-Qur’an Al-Karim, wonten kirang langkung 60 ayat engkang gegeyutan (berhubungan) kaliyan perkawes kaleh meniko.

Hal meniko  nedahaken bileh perkawis kaleh meniko kedah dados perhatosan kito sami,langkung-langkung wonten eng zaman akhir sak  meniko.

Allah  Ta’ala Ugi Sampun Mrengetaken  Dumateng Kito Sami, Lewat dawuh Pematuripun Kanjeng Nabi Muhammad Saw, Kelawan Perengetan engkang Keras !!!, Dawuhipun  Kanjeng Nabi Muhammad Saw :(engkang artosipun kirang langkung mekaten) :

”Hey Poro menungso kabeh  saktemene Gusti Allah Ta’ala, meniko sampun Dawuhaken marang sliramu : Hey Poro Menungso podo tumindak-no Amar Bil Ma’ruf  lan podo tumindak-no Nahi Anil Munkar, sak durunge tumeko (Sijine Zaman, kang ono eng sak jerone Zaman iku) Sliramu iku podo dedungo marang Ingsun (Allah) anangeng Ingsun (Allah) iku ora bakal ngijabahi  marang sekabehane dongo iro,lan sliramu iku podo nyuwun marang Ingsun (Allah), Anangeng Ingsun (Allah) iku ora bakal maringi marang sekabehane penyuwun-mu, lan sliramu iku tansah podo njaluk tulung marang Ingsun (Allah) anangeng Ingsun (Allah) iku ora bakal pareng Pitulungan Marang Sliramu”. (HR. Imam Ibnu Majjah lan Ibnu Hibban).

Ma’asyirol   Muslimin   Rokhimakumulloh :

Ninda’aken kaleh perkawes (Dakwah Islamiyah lan Amar Bil  Ma’ruf  lan  Nahi Anil Munkar) eng zaman akhir engkang serba materialistis  lan global meniko, temtu  katah hambatan, fitnah,tantangan soho problima tikanipun engkang badhe dipun alami lan dipun adepi deneng poro Mubaligh/Da’i/Penyuluh Agama Islam, Malah terkadang ngantos dipun anggep deneng anggota keluargonipun, utawi deneng masyarakatipun soho lingkunganipun, Sebagai ”tiyang  engkang aneh” utawi ”tiyang engkang terasing” sebab kiyamba’ipun meniko dianggep melawan arus & nyejeni marang kasunyatan engkang terjadi wonten eng lingkungannipun. Rasululloh Saw Sampun gambaraken wonten eng Dawuh Pematuripun :  ”Tahun-tahun engkang penuh kebohongan lan tipudaya soho pengkhiyanatan, tiyang engkang tumindak salah dipun anggep bener lan tiyang engkang tumindak bener ,malah dipun anggep salah,pengkhianat dipercoyo lan tiyang engkang semestinipun saget dipun  percoyo malah dipun anggep sebagai tiang engkang khianat (pengkhianat) lan tampilipun tiyang -tiyang bodoh engkang dados pemimpinipun ummat, mongko bakal mekoleh Kabejan, Sopo wong-wong kang dianggep aneh/terasing(eng masyarakatipun),(Mireng dawuh mekaten, poro sahabat sami matur):Yaa Rasulalloh, Sinten meniko engkang dipun maksud kaliyan tiyang-tiyang engkang aneh utawi terasing meniko?,jawab-ipun  kanjeng Rosul:Yoiku tiyang-tiyang engkang tansah tumindak kebagusan nalikanipun sampun sami risak katahipun  poro Menungso” (HR.Imam Muslim & Ibnu Majjah).

Ma’asyirol   Muslimin   Rokhimakumulloh :

Sintenke  mawon tiyang engkang purun  nindak’aken kaleh perkawes (Dakwah Islamiyah lan Amar Bil Ma’ruf  lan Nahi Anil Munkar) eng Zaman akhir meniko, Mongko Gusti Allah Ta’ala iku bakal pareng Pitulungan dumateng tiyang wau lan Allah Ta’ala ugi bakal netepaken dalan gesangipun (istiqomah)’Ala Dinil Islam, Sebab kiyamba’ipun Meniko persasat  sampun  pareng pitulungan dumateng  agomonipun Gusti Allah, Hal meniko sesuai kaliyan dawuhipun Allah Ta’ala :

”Wallohu ’Alamu Bie Muroddihi,Hey eling-eling wong-wong kang podo Iman kabeh, , lamon sliramu iku  gelem nulungi (pareng pitulungan marang agamane) Gusti Allah, Mongko Gusti Allah Ta’ala iku temen  bakal  pareng  pitulungan  marang  sliramu, lan Gusti Allah iku bakal  netepake marang langkah-langkahmu (tegese : Istiqomah ’Ala Dinil Islam)”  (QS:Muhammad : 07).

Ma’asyirol   Muslimin   Rokhimakumulloh :

Mekaten engkang saget dipun aturaken,  mugi-mugi saget mbekto manfaat  dumateng  kito sami, sehinggo kito  saget  nindak’aken Dakwah Islamiyah  Amar Bil Ma’ruf lan Nahi Anil Munkar  sesuai kaliyan peran, fungsi lan kemampuan kito masing-masing, Sehinggo kito sak mangke saget pikantuk akhir  engkang sae KHUSNUL KHOOTIMAH,  Amien Yaa Robbal ‘Alamien.