Postingan
Maasyirol Muslimin Rokhimakumulloh :
Wonten eng kesempatan engkang sae lan mubarok meniko, kawulo badhe ngajak (Pareng wasiat) dateng awak kulo piyambak khususipun lan dumateng Jama’ah Rakhimakumulloh, monggo kito tansah berusaha kangge jagi soho berusaha kangge ningkataken keimanan lan ketaqwaan kito dateng Allah Swt, yoiku :
“Kelawan tansah berusaha kangge nindaaken dateng sedoyo Printah-printahipun Allah Ta’ala, lan tansah berusaha kangge nebihi soho nilari sangkeng sedoyo awisan-awisanipun Allah Ta’ala!, wonten eng pundike mawon lan eng ndalem kakhanan punopoke mawon” “ITTAQILLAHA KHAITSUMMA KUNTA”
Sebab namung mawi keimanan lan ketaqwaan kito dumateng Allah Ta’ala menikolah, kito bakal pikantuk kabejan wonten eng alam dunyonipun, lan mbenjang eng akhirat kito bakal mekoleh keslametan lan kamulyan sangkeng Rohmatipun Allah Swt.
Ma’asyirol Muslim ien Rokhimakumulloh :
Saben sewiji-wiji engkang sampun dipun cipta’aken deneng Gusti Allah Ta’ala meniko, temtu gadahi manfaat soho fungsi masing-masing, manfaat soho fungsi eng antarane setunggal lan sanesipun sangkeng masing-masing cipta’ane Allah Ta’ala meniko, temtu namung Ngarso Dalem Allah-ke mawon engkang mangertosi.
Kito saget mangertosi manfaat soho fungsi sangkeng cipta’anipun Allah Ta’ala meniko, temtu kelawan lantaran Syari’atipun Agami engkang sampun dipun sampe’aken lewat dawuh-dawuhipun Allah eng Al-Qur’an utawi mawi lantaran penjelasan sangkeng sabdo lan Sunnah-sunnah-ipun Baginda Rasululillah Saw.
Contonipun : (Kadosto) manfaat soho fungsinipun manah utawi ati kito, saget kito mangertosi keranten wonten dawuh sabdonipun Kanjeng Nabi Muhammad Saw : “Saktemene eng ndalem jasad iku ana segumpal geteh, lamon sae (opo segumpal getih kolo wau), mongko bakal melu sae opo sedayane jasad, (kosok wangsule), menawo mboten sae (utawi risak (opo Mudghoh), mongko bakal risak (mboten sae) sedayan-ipun jasad, elingo (saktemene mudghoh, segumpal geteh mau iku) rupone ati (manah)” (HR.Buhori Muslim)
Ma’asyirol Muslim ien Rokhimakumulloh :
Mangertosi manfaat soho fungsi sangkeng manah meniko, sangetlah penting, menopo maleh sak mangke kito gesang wonten eng zaman engkang sampun katah perkawis-perkawis engkang katah bongso syubhat-ipun lan katah tiyang engkang sampun sami nututi dateng howo nafsu utawi syahwat, lan ugi sampun katah tiyang engkang sami mengutama’aken soho langkung mentingaken urusan gemerlap ipun bondo kekayaan dunyawiyah, sehinggo ngantos lali bahkan nglale’aken dateng Ke-abadianipun kehidupan wonten alam akherat, kelawan tanpo merduliaken maleh dateng krentekipun ati (manah) engkang tansah berusaha kangge nuduhake dalan tumuju Shiroot Al-Mustaqiem.
Milo mekaten, monggo kito sejenak merenung kelawan berfikir (TAFAKKUR) soho memahami dateng sedoyo punopo engkang sampun kito lampahi lan engkang sampun dipun capai selami kito menempuh lan mengarugi samudra kehidupan engkang luas wonten eng alam dunyo meniko.
Punopo thoh kito meniko sampun dadosaken dateng manah (ati) kito meniko sebagai rojo lan lentera kangge nerangi langkah-langkah kito salami menempuh perjalanan gesang eng alam dunyo meniko? Punopo malah kito asring, utawi bahkan tansah ngesampingaken suanten lan coyonipun manah kito?, sehinggo tansah nututi dateng lampah lan kepinginpun howo nafsu? Mboten wonten engkang saget maringi jawaban dateng perkawis meniko, kejawi namung Allah Ta’ala lan manah kito masing-masing engkang mangertosi, kakhanan realita engkang sak estunipun, terjadi eng saklebetipun jiwa kito.
Ma’asyirol Muslim ien Rokhimakumulloh :
Manah (utawi ati) meniko Lir kadiyo Rojo, anapun Jasad (awak-awakan), iku Lir kadiyo dados Rakyat (Penduduk-ipun) Kerajaan, Sehinggo lamon Rajan-ipun Sae anggenipun memimpin dateng Kerajaanipun, mongko Insya Allah bakal dados sae, punopo engkang dados Rakyat wonten eng kerajaan kolo wau, semanten ugi kosok wangsulipun menawi mboten sae Rajan-ipun, temtu mboten sae (utawi bakal risak) opo rakyat (Penduduke) Kerajaan kolo wau.
Ati (manah) ugi Lir Kadiyo Koco Pengilon, engkang saget berfungsi kangge ningali kakhanan kasunyatanipun sangkeng masing-masing Jasadipun menungso, milo menawi mboten sregep (mboten rajin) soho mboten rutin anggenipun kito mbersihi (utawi ngelap) dateng manah (ati) engkang kados “koco pengilon kolo wau”, mongko temtu mboten mustakhil , yen sangsoyo dangu manah (ati) kito meniko bakal owal utawi berubah sangkeng bening lan jernih, rubah dados cemeng, petheng lan dangu-dangu dados atos lan keras, lan badhe tansah menibi dateng barang engkang Haq soho tansah nulayani marang nasehat-nasehat tumuju arah engkang lurus. eng Al-Qur’an dipun Dawuhaken :
“Wallohu ‘alamu bimuroddihie, mongko sepisan-pisan dudu koyo mengkono (kedadianane), saktemene kekufurane wong-wong mau iku kang nyebab’ake petenge atine ”(QS : Al_muthoffifin : 14).
Kanjeng Nabi Muhammad Saw ugi dawuhaken :
“Saktemene manah (ati) iku biso karaten (reget), koyo olehe karaten (regete) wesi” (Ikhya’ Ulumuddien Bab Keajaiban Hati Sh.199).
Ma’asyirol Muslim ien Rokhimakumulloh :
Sahabat Ibnu Mas’ud R.a Dawuhaken, “Podo Luru-o (Telitinen) ono eng 3 (Telu) Panggonan, Yentho Sliramu iku Kepengen Mangerteni, ono tho Sliramu iku iseh nduweni ati punopo mboten, tigang Panggenan kolo wau :
Menawi ten 3 (tigang) Panggenan Meniko, Kito Mboten Manggihi Dateng Krentekipun Manah (Tegese : wonten eng 3 (tigang) Panggenan kolo wau, kito mboten wonten getaran utawi mboten wonten tondo-tondo bileh manah (ati) kito meniko taseh wonten coyonipun, mongko berarti Manah (ati) kito meniko temen mboten wonten (tegesipun kito sampun mboten gadahi Manah maleh), Milo temen enggal-enggalo Istighfar, lajeng enggal-enggal dedungo dateng Allah Ta’ala, Supados Allah Ta’ala purun pareng Manah maleh dateng kito, tegese purun pareng gesang dateng Manah kito, engkang sampun gersang, keras, peteng lan mati.
Milo Rasulullah Saw, pareng syari’at dateng ummatipun, supados kito tansah dedungo nyuwun dateng Allah Ta’ala, wonten eng saben sak bakdanipun sholat kito, supados Manah (ati) kito meniko tansah terjaga, bersih, putih soho kemilau Lir Kadiyo Inten Mutiara engkang tansah Bercahaya madangi dalan lan pikiran kito, selami kito menempuh lan mengarugi samudra kehidupan engkang luas wonten eng alam dunyo meniko. Dipun dawuhaken, eng Al-Qur’an :
“Duh Pengeran Kito, Mugi Ampun nDadosaken Panjenengan Dateng Manah (ati) Kito, Wangsul maleh (Condong) dateng arah dalan kang Sesat, Sak sampunipun Panjenengan Paringi Pituduh (dalan kang lurus) marang kito, lan Mugi Panjenengan (kerso) Pareng dateng Kito Rahmat (Kasih-Sayang) Sangkeng Sandinge Panjengan, Kerono Saktemene Namung Panjenengan-lah Dazt Kang Moho Pareng Karunia” (QS: Ali Imron : 08).
Eng Al-Qur’an Ugi pun Sebataken :
“Lan Wong-wong akeh kang tumeko ono eng sak mburine (Kaum Ansor lan Muhajirin) iku dewe’e podo Dongo : ”Duh Pengeran Kito, Mugi Panjenengan Ngaporo Dumateng kito lan dateng Dulur-dulur kito, engkang sampun sami Iman Langkung Rumiyen Katimbang kito, lan Ampun Dadosaken Panjenengan eng Manah (Ati) kito (Nggadahi) Roso Dengki (Kebencian), dateng Tiyang-tiyang engkang sami Iman; Duh Pengeran kito Saktemene Panjenengan iku Dzat engkang Moho Penyantun Ugi Moho Penyayang” (QS : Al-Hasyr : 10).
Rasulullah Saw ugi tansah dedungo dateng Allah Ta’ala kelawan do’a-ipun :
“Lan Mugi Mbersihaken (panjenengan) dateng Manah kulo, sangkeng kotoran-kotoranipun manah (ati), kados olehe dibersehaken opo Pakaian kang werno putih sangkeng regetipun kotoran”
Ma’asyirol Muslim ien Rokhimakumulloh :
Mekaten engkang saget dipun aturaken, mugi-mugi saget mbekto manfaat dumateng kito sami, sehinggo kito saget tansah njagi dateng kejernihan, lan keberadaan sangkeng Manah (ati) kito, Sehinggo kito saget pikantuk dalan engkang padang, lurus soho tetep Iman lan tetep Islam ngantos sak mangke saget pikantuk akhir engkang sae Ngadep wangsul dateng Ngarso Dalem Allah kelawan KHUSNUL KHOOTIMAH, Amien Yaa Robbal ‘Alamien.
Tidak ada komentar:
Posting Komentar